معروف اداکارہ اشنا شاہ نے شادی کے بعد سوشل میڈیا سے کنارہ کشی کا اعلان کردیا

کراچی (پی پی آئی)حال ہی میں رشتہازدواج میں منسلک ہونے والی معروف پاکستانی اداکارہ اشنا شاہ نے اپنی شادی کی تقریب میں ویڈیوز اور تصاویر وائرل کرنے والے فوٹوگرافر کو معاف کرتے ہوئے ان سے معافی مانگ لی اور سوشل میڈیا سے کنارہ کشی کا اعلان بھی کردیا۔پی پی آئی کے مطابق فوٹو ایند ویڈیو شیئرنگ پلیٹ فارم انسٹاگرام پر مختلف سٹوریز شیئر کرتے ہوئے اشنا شاہ نے شادی کی تقریب میں بن بلائے فوٹو گرافر کو معاف کردیا اور پھر سوشل میڈیا پلیٹ فارم پر ان کا نام لے کر تنقید کرنے کے بعد احساس ہوا تو ان سے اپنے کئے کی معافی بھی مانگ لی۔انہوں نے پہلے سٹوری شیئر کرتے ہوئے کہا کہ “میں اپنی شادی شدہ زندگی کا سفر اس احساس کے ساتھ شروع نہیں کرسکتی کہ میری وجہ سے کسی کی بدنامی ہو، مجھے کوئی حق نہیں پہنچتا کہ میں اس طرح کسی کو آن لائن بے عزت کروں پھر چاہے انہوں نے مجھے کتنا ہی دکھ دیا ہو۔ اس لئے میں فوٹو گرافرز سے معافی مانگتی ہوں۔ مجھے احساس ہے کہ آن لائن ٹرولنگ کس طرح ذہنی تناؤ کا باعث بنتی ہے اس لئے نہیں چاہتی کہ کوئی اور بھی ان سب سے گزرے۔