اظہر مشوانی کا اغوابدترین ریاستی دہشتگردی،پنجاب بھر میں مظاہرے کرینگے: عندلیب عباس

لاہور(پی پی آئی)تحریک انصاف سنٹرل پنجاب کی سیکرٹری اطلاعات عندلیب عباس نے کہا ہے کہ اظہر مشوانی کا اغوابدترین ریاستی دہشتگردی ہے۔اظہر مشوانی کے اغواکے خلاف پنجاب بھر میں مظاہرے کئے جائیں گے۔انہوں نے کہا کہ امپورٹڈ حکومت نے غریب عوام پر مہنگائی کے پہاڑ گرا دیئے ہیں۔ امپورٹڈ حکومت سستے آٹے کی آڑ میں موت بانٹ اور انسانیت کی تذلیل کر رہی ہے جو قابل مذمت ہے،مفت آٹے کی آڑ میں عوام اپنی جانوں سے ہاتھ دھو رہے ہیں۔ پی ڈی ایم کرپٹ ٹولے نے ملکی معیشت کا بیڑا غرق کر دیا ہے۔ تحریک انصا ف عوام کے ووٹوں کی طاقت سے اقتدار میں آکر انشائاللہ ملک کو بحرانوں کی اس دلدل سے باہر نکال دے گی۔