مقبوضہ کشمیر میں کورونا کے باعث ایک شخص کی موت

سری نگر(پی پی آ ئی)بھارت کے زیر قبضہ جموں و کشمیر میں کوروناوبا کی وجہ سے ایک شخص کی موت کی اطلاع ملی ہے جبکہ وائرس کے 151 نئے کیسز ریکارڈ کیے گئے ہیں۔کشمیر میڈیا کے مطا بق حکام نے بتایا کہ جموں خطے سے ایک موت کی اطلاع ملی ہے۔ اس وقت فعال کیسز کی تعداد 4,789 ہیں جن میں وادی کشمیر سے 2,433 اور جموں خطے سے 2,356 شامل ہیں۔حکام نے بتایا کہ وادی کشمیر سے 94 جبکہ جموں خطے سے 57 نئے کیسز رپورٹ ہوئے جس سے اب تک متاثر ہونے والے لوگوں کی مجموعی تعداد 4 لاکھ 80ہزار 7سو 46ہوگئی ہے۔ ان کل کیسز میں 3 لاکھ6ہزار 2سو 22 وادی کشمیر جبکہ 1لاکھ74ہزار5سو 24 جموں ڈویڑن سے ہیں۔