حج اسکیم کے لئے درکار 50ملین ڈالرز کی پہلی قسط ا سٹیٹ بینک سے جاری

کراچی (پی پی آئی) سرکاری حج سکیم کے لئے درکار 213 ملین ڈالرز میں سے50ملین ڈالرز کی پہلی قسط ا سٹیٹ بینک نے جاری کردی ہے۔پی پی آئی کے مطابق، 50ملین ڈالرز پہلی قسط کے طور پر سعودی عرب میں پاکستانی وزارت حج کو موصول ہوگئے ہیں۔وزارت خزانہ نے 40 ملین ڈالرز کی دوسری قسط بھی اسٹیٹ بینک کو دے دی ہے جو تین سے چار روز میں شیڈول کے مطابق سعودی عرب میں پاکستانی وزارت حج کو مل جائے گی۔ 60 ملین ڈالرز کی تیسری قسط 30 اپریل تک درکار ہے۔چوتھی قسط کے 63 ملین ڈالرز مئی کے تیسرے ہفتے میں وزارت حج کو سعودی عرب میں مل جائیں گے۔ وزارت خزانہ نے درکار ڈالرز طے شدہ شیڈول کے مطابق جاری کرنے کی یقین دہانی کرائی ہے۔ 213 ملین ڈالرز ایئر لائنز کو کرائے،رہائش گاہوں، ٹرانسپورٹ اور ٹیکسز کی مد میں ادا کئے جانے ہیں۔