دبئی (پی پی آئی) ایشیا کپ پر مذاکرات ڈیڈلاک کا شکار ہو گئے، حتمی فیصلہ دو ہفتے تک ہونے کا امکان ہے،۔ ذرائع کے مطابق چیئرمین منیجمنٹ کمیٹی پی سی بی نجم سیٹھی کا دبئی میں تین روزہ دورہ نتیجہ خیز نہ ہو سکا، ایشیئن اور انٹرنیشنل کرکٹ کونسل حکام سے ملاقاتوں کے باوجود ستمبر میں شیڈول ایشیا کپ پر کوئی فیصلہ نہ ہو سکا۔ پی پی آئی کے مطابق ذرائع کا کہنا ہے کہ تمام سٹیک ہولڈرز پر ہائبرڈ ماڈل سمیت تمام آپشنز شیئر ہو چکے، دیگر بورڈز کی مصروفیات کی وجہ سے حتمی فیصلے میں مزید دو ہفتے لگ سکتے ہیں۔