قصور کے گاوں گنڈا سنگھ میں شادی کی پہلی رات نوبیاہتا جوڑا دم گھٹنے سے جاں بحق

قصور (پی پی آئی)قصورمیں تھانہ گنڈا سنگھ کے علاقہ کھری پٹڑ میں شادی کی پہلی رات میاں بیوی دم گھٹنے سے جاں بحق ہو گئے۔بجلی نہ ہونے کی وجہ سے اہل خانہ جنریٹر کرایہ پر لے کر آئے جس کا دھواں ان کی جان لے گیا۔کمرے میں جنریٹر کا دھواں بھر گیا تھا جس سے نوبیاہتا جوڑے کا دم گھٹ گیا،پی پی آئی کے مطابق دونوں میاں بیوی شرافت علی اور سونیا کی نعشیں ڈسٹرکٹ اسپتال منتقل کر دی گئیں۔ایس ایچ او احد گجر کا کہنا تھا کہ ورثانے متفقہ طور پر کارروائی کرنے سے انکار کیا ہے،ان کا کہنا تھا کہ بغیر پوسٹمارٹم کے نعشیں تھوڑی دیر بعد ورثاکو دے دیں گے۔