مزاح نگار مشتاق احمد یوسفی کی پانچویں برسی منائی گئی

لاہور(پی پی آ ئی)نامور ادیب و مزاح نگار مشتاق احمد یوسفی کو بچھڑے ہوئے پانچ برس کا عرصہ ہوگیا،منگل کے روز ر مشتاق احمد یوسفی کی پانچویں برسی عزت وہ احترام کے ساتھ منا ئی گئی۔مشتاق احمد یوسفی چار ستمبر 1923 کو جے پور بھارت میں پیدا ہوئے اور آزادی کے بعد انہوں نے پاکستان ہجرت کی اور مختلف بنکوں میں اعلیٰ عہدوں پر فائز رہے۔ مشتاق احمد یوسفی کی تحریروں میں انشائیے، خاکے، آپ بیتیاں شامل ہیں اور ان سب میں طنز و مزاح کی وہ پر لطف روانی موجود ہے جسے پڑھ کر ہر قاری مشتاق احمد یوسفی کا گرویدہ نظر آتا ہے۔مشتاق احمد یوسفی کی 5 کتابیں شائع ہوئیں جن میں چراغ تلے، خاکم بدہن، زرگزشت آب گم اور شام شعریاراں شامل ہیں۔ انہیں ادب میں نمایاں خدمات دینے پر حکومت پاکستان کی طر ف سے 1999 میں ستارہ امتیاز جبکہ 2002 میں ہلال امتیاز سے نواز گیا۔مشتاق احمد یوسفی عمر کے آخری حصے میں علالت کے باعث 20 جون 2018 کو جہاں فانی سے کوچ کرگئے۔ اور اس طرح مزاح نگاری کا ایک منفرد باب بھی ہمیشہ کے لیے بند ہوگیا۔