دھابیجی کیٹل فارم سے درجنوں مویشی لوٹ کر مسلح ڈاکو فرار

دھابیجی (پی پی آئی)دھابیجی میں قربانی کے موقع پر فروخت کیلئے باڑہ میں موجود 17 بھیڑیں، 67 بکریاں، ایک گائے اور بچھڑے لوٹ کرمسلح ملزمان فرار ہو گئے۔پی پی آئی کے مطابق دھابیجی ریلوے سٹیشن کے قریب باڑے میں مسلح ڈاکووں کا گروہ داخل ہوا اوراملازمین کو یرغمال بنا کر رسیوں سے باندھ دیا۔ڈاکوؤں نے باڑے میں موجود 17 بھیڑیں، 67 بکریاں، ایک گائے اور بچھڑے کو گاڑیوں میں لوڈ کیا اور بآسانی فرار ہو گئے۔ پولیس کا کہنا ہے کہ ڈاکو باڑے میں 3 سے 4 گھنٹے کے دوران واردات کرتے رہے، مسلح ڈاکوؤں کی تعداد ایک درجن سے زائد تھی، واقعے کی رپورٹ تھانہ اسٹیل ٹاؤن میں درج کروا دی گئی۔