اسلام آباد میں پولیس بیورو آف انویسٹیگیشن قائم

اسلام آباد (پی پی آئی)وفاقی پولیس کے تفتیشی نظام کی مکمل تنظیم نو کرتے ہوئے اسلام آباد پولیس میں بیورو آف انویسٹی گیشن قائم کردیا گیا۔ترجمان وفاقی پولیس کے مطابق مختلف اسپیشل انویسٹیگیشن یونٹ بھی قائم کئے جا رہے ہیں۔ پی پی آئی کے مطابق تفتیشی بیورو میں تفتیش کے تمام پہلوؤں کو رکھا گیا ہے۔ اس کے علاوہ افسران اور اہلکاروں کی سزا اور جزا کا بھی تعین کیا گیا ہے۔بیورو کے قیام کا مقصد تفتیشی نظام کو بروقت، میرٹ پرمکمل کرنا ہے، فوجداری مقدمات کی بہتر تفتیش جرائم کی بیخ کنی ہے۔