ملک سے فرار کے باعث منی لانڈرنگ کیس میں مونس الٰہی اشتہاری قرار

 لاہور(پی پی آئی)منی لانڈرنگ میں ملوث مونس الٰہی کو عدالت نے  اشتہاری قرار دیدیا۔تفصیلات کے مطابق عدالت نے مونس الٰہی کو ملک سے فرار ہونے کے باعث اشتہاری قرار دیا ہے،مونس الٰہی کے خلاف منی لانڈرنگ کے دو مقدمات درج ہیں،ان پر الزام ہے کہ مونس الٰہی اربوں روپے غیر قانونی طریقے سے ملک سے باہر لے کر گئے، اینٹی کرپشن سرکل پنجاب میں بھی مونس الٰہی کے خلاف مقدمہ درج کر دیا گیا ہے،مونس الٰہی سمیت دیگر تین افراد کے خلاف چالان عدالت میں جمع کروا دیا گیاہے۔پی پی آئی کے مطابق عدالت نے مونس الٰہی کی ٹریول ہسٹری بینک اکاونٹس کی تفصیلات طلب کر لیں ہیں اور مونس الٰہی کا شناختی کارڈ، پاسپورٹ، بینک اکاونٹ اور تمام جائیداد منجمد کرنے کی کارروائی کا آغاز کر دیا گیا۔عدالت نے پاسپورٹ، شناختی کارڈ اور رہائشگاہ کا درست ایڈریس بھی طلب کر لیاہے۔مونس الٰہی کو اینٹی کرپشن سرکل کے مقدمے میں بھی اشتہاری قرار دیدیا گیاہے۔