عمران اور بشریٰ بی بی کیخلاف غیر شرعی نکاح کیس کی سماعت5ستمبر تک پھر ملتوی

 اسلام آباد (پی پی آئی)ڈسٹرکٹ اینڈ سیشن کورٹس اسلام آباد  میں چیئرمین پی ٹی آئی عمران خان اور بشریٰ بی بی کے خلاف غیر شرعی نکاح کیس کی سماعت ہوئی، عدالت نے فریقین کے وکلا کی عدم موجودگی پر سماعت 5 ستمبر تک ملتوی کردی۔پی پی آئی کے مطابق چیئرمین پی ٹی آئی  اور بشریٰ بی بی کے خلاف غیر شرعی نکاح کیس کی سماعت سول جج قدرت اللہ نے کی،عدالت نے آئندہ سماعت پر چیئرمین پی ٹی آئی کی جانب سے بریت کی درخواست پر دلائل طلب کر لئے۔چیئرمین پی ٹی آئی کے وکلا کی جانب سے بریت کی درخواست دائر کر رکھی تھی،چیئرمین پی ٹی آئی اور بشری بی بی کے وکلا کی جانب سے حاضری سے استثنی کی درخواست دائر کی گئی ہے۔ عدالت نے ملزموں کی آج کی حاضری سے استثنی کی درخواست منظور کرتے ہوئے سماعت 5 ستمبر تک ملتوی کردی۔