پسماندہ ممالک کی برطانوی امداد میں مختصر وقت کیلئے کمی

لندن / اسلام آباد (پی پی آئی) برطانیہ کی جانب سے غیر ملکی امداد میں کمی سے ایشیاوفریقہ کی ہزاروں خواتین کے متاثر ہونے کا خدشہ ہے۔ لندن سے میڈیا رپورٹ کے مطابق فنڈنگ میں کٹوتی سے ہزاروں حاملہ خواتین کی جان کوخطرہ ہوسکتا ہے۔پی پی آئی کے مطابق برطانوی فارن آفس کا کہنا ہے کہ بچت اہداف حاصل کرنے کیلئے غریب ممالک کی امداد مختصر وقت کیلئے کم کی جا رہی ہے۔ فارن آفس کا کہنا تھا کہ کم آمدنی والے ممالک کی امداد جلد تقریباً دگنا کرکے بحال کی جائے گی۔ میڈیا رپورٹ کے مطابق پاکستان، افغانستان کی امداد میں 76فیصد کمی سے خواتین کیلئے سروسز متاثر ہوں گی۔ امداد کٹوتی سے یمن میں بھی 5لاکھ بچوں اور خواتین کیلئے سروسز کم ہوجائیں گی۔