فاطمہ قتل کیس کے ملز مان کو بچانے کیلئے کچے کے ڈاکو میدان میں

رانی پور (پی پی آئی) رانی پور میں ایک پیر گھرانہ کے مبینہ تشدد سے جاں بحق گھریلو ملازمہ فاطمہ کے قتل کیس میں نامزدملزم اسد شاہ اس کے خسر فیاض شاہ  سمیت تمام ملزمان کو بچانے کیلئے   کچے کے ڈاکو  میدان میں آ گئے،ڈاکوؤں نے ورثااور صحافیوں کو خطرناک ڈاکوؤں نے دھمکیوں والا ویڈیو پیغام بھیج دیا۔ڈاکوؤں نے ہاتھوں میں جدید ہتھیار لے کر ویڈیو بھیجی اور ورثا کو دھمکا کر مقدمے سے دستبردار ہونے کا کہا۔ڈاکوؤں نے بغیر کسی خوف کے پیروں کی حمایت میں بیان دیا،ڈاکوؤں نے دھمکی دی کہ پیروں کی حویلی اور پیروں کا نام جس نے بھی لیا ان کی خیر نہیں،پیروں کی حویلیوں کی ہم خود حفاظت کریں گے۔