اسلام آباد (پی پی آئی) بغاوت پر اکسانے کے کیس میں سابق رکن قومی اسمبلی علی وزیر کا 3 روزہ جسمانی ریمانڈ دیدیا گیا۔پی پی آئی کے مطابق سوشل میڈیا پر بغاوت پر اکسانے کے کیس میں علی وزیر کو عدالت پیش کیا گیا، جوڈیشل مجسٹریٹ محمد شبیر نے کیس کی سماعت کی۔ تفتیشی افسر نے عدالت سے استدعا کی کہ علی وزیر سے ڈیوائس برآمد کرنی ہے، جسمانی ریمانڈ پر حوالے کیا جائے۔ عدالت نے درخواست منظور کر تے ہوئے علی وزیر کو 3 روزہ جسمانی ریمانڈ پر ایف آئی اے کے حوالے کرنے کی ہدایت جاری کی اور انہیں 15 ستمبر کو دوبارہ عدالت پیش کرنے کا حکم دے دیا۔