سندھ بھر میں کچی آبادیوں،گوٹھوں کافوری طور پر دوبارہ سروے کرا یا جائے:”کاگف“  کا مطالبہ

کراچی (پی پی آئی)کچی آبادیوں اور گوٹھوں کی نمائندہ تنظیم کچی آبادیز اینڈ گوٹھ فیڈریشن آف پاکستان”کاگف“ نے نگران وزیر اعلیٰ سندھ جسٹس (ر)مقبول باقرسے مطالبہ کیا ہے کہ نگران حکومت کچی آبادیوں اور گوٹھوں کو لینڈ مافیا سے نجات دلانے کے لئے  فوری طور پرسندھ بھر میں کچی آبادیوں اور گوٹھوں کا دوبارہ سروے کرا ئے تاکہ گوٹھوں کے مکینوں کولینڈ مافیا سے تحفظ مل سکے۔ پی پی آئی کے مطابق ”کاگف“ کے چیف آرگنائزر سید خرم شاہ جیلانی  سے سومار جوکھیو گوٹھ کے مکینوں  نے ملاقات کی،وفد میں میر اکبر،شاہنواز بلوچ شامل تھے۔ وفد نے بتایا کہ گوٹھ آباد اسکیم  ایکٹ 1987کے تحت منظور شدہ سومار جوکھیو گوٹھ میں لینڈ مافیا اور ان کے سہولت کاروں کی من مانیاں اور خلاف قانون حرکات عروج پر ہیں لیکنپولیس کسی بھی قسم کی کاروائی سے گریزاں ہے کچی آبادیز اینڈ گوٹھ فیڈریشن آف پاکستان”کاگف“ نے نگران وزیر اعلیٰ،نگران وزیر داخلہ،آئی جی سندھ سے مطالبہ کیا کہ سومار جوکھیو گوٹھ  مکینوں کو لینڈ مافیا سے نجات دلانے کیلئے اقدامات کئے جائیں۔