خصوصی سرمایہ کاری سہولت کونسل کے اقدامات سے ترقی کے نئے دور کا آغاز ہوگا،گوہراعجاز

 اسلام آباد (پی پی آئی)تجارت، صنعتوں اور پیداوار کے نگران وزیر ڈاکٹر گوہر اعجاز نے معیشت کی بحالی کیلئے حکومت کے عزم کا اعادہ کیا ہے۔انہوں نے یہ بات کراچی میں تاجروں کے ایک اجلاس کی صدارت کرتے ہوئے کہی۔وفاقی وزیر نے کہا کہ خصوصی سرمایہ کاری سہولت کونسل کی طرف سے کئے گئے اقدامات سے ملک میں صنعتی ترقی کے ایک نئے دور کا آغاز ہوگا۔ڈاکٹر گوہر اعجاز نے کہا کہ یہ کونسل خلیج تعاون کونسل کے رکن ممالک اور چین کے ساتھ تندہی سے کام کررہی ہے اور پاکستان میں بھاری بیرونی سرمایہ کاری متوقع ہے۔