کراچی(پی پی آئی)کراچی ویمن چیمبر آف کامرس اینڈ انڈسٹری ملیراور اقراء یونیورسٹی ایئرپورٹ کیمپس نے نوجوانوں کو فنی تربیت کی فراہمی، روزگار کے حصول میں رہنمائی سمیت طلبا و طالبات کو تعلیم کے حصول کے بعد ایک کامیاب انٹرپرینور بنانے کے لیے باہمی مفاہمت (ایم او یو)کی یادداشت پر دستخط کیے ہیں۔ پی پی آئی کے مطابق ایم او یو پر ویمن چیمبرکی بانی صدر نازلی عابد نثار اور ڈائریکٹر اقراء یونیورسٹی ایئرپورٹ کیمپس اطہر اقبال نے دستخط کیے۔اس موقع پر ویمن چیمبر کی سینئرنائب صدر افضالہ شاہین،یاسمین عارف اور ڈاکٹر طوبیٰ بھی موجود تھیں۔ کراچی ویمن چیمبر نے اقراء یونیورسٹی کے تعاون سے طلباء کے لیے”کریٹیو کلچرل فیئر 2024“ کا اہتمام بھی کیا،جس میں طلبا و طالبات کی کثیر تعداد نے شرکت کی۔ تقریب میں فیڈریشن آف پاکستان چیمبرز کے قائمقام صدر ثاقب فیاض مگوں، امان اللہ پراچہ اورآصف سخی، خرم اعجاز، عابد نثار، شکیلہ نیاز سمیت دیگرنے مختلف اسٹالز کا دورہ کیا اور طلباء و طالبات میں انعامات تقسیم کیے۔
Next Post
الیکشن 2024 کے مشاہدہ کیلئے دولت مشترکہ کے مبصرین یکم فروری کو پاکستان پہنچیں گے
Sat Jan 27 , 2024
برسلز/اسلام آباد(پی پی آئی)پاکستان میں اگلے ماہ ہونے والے عام انتخابات کے موقع پر دولت مشترکہ کے مبصرین کا وفد یکم فروری کو پاکستان پہنچ رہا ہے جو الیکشن کا مشاہدہ کرے گا۔وفد کی سربراہی نائیجیریا کے سابق صدر ڈاکٹر گڈلک جوناتھن کریں گے اور وفد میں 13 مبصرین شامل […]