افغانستان اور پاکستان کو دوستی کی ضرورت ہے: فضل الرحمٰن

کراچی(پی پی آئی)جمعیت علمائے اسلام (ف) کے سربراہ مولانا فضل الرحمن نے کہا ہے کہ سندھ میں آئے روز لوگ قتل اور اغوا ہوتے ہیں وہاں کوئی پوچھنے والا نہیں ہے۔ پی پی آئی کے مطابق  انہوں نے کراچی میں کارکنان سے گفتگو کرتے ہوئے کہا کہ اسرائیل کو امریکا سپورٹ کررہا ہے، افغانستان اور پاکستان کو دوستی کی ضرورت ہے، ساری دنیا افغانستان اور پاکستان کو لڑانے کی کوشش کررہی ہے، ہمیں داخلی طور پر امن اورنچلے طبقے کے تحفظ کا انتظام کرنا ہے۔