ُپنجاب میں تحفظ خواتین  کیلئے ‘نیور اگین’ ایپ متعارف کرانے کا منصوبہ

لاہور(پی پی آئی) وزیر اطلاعات پنجاب عظمیٰ بخاری نے کہا ہے کہ وزیراعلیٰ پنجاب کی ہدایت پر خواتین کی سیفٹی کیلئے “نیور اگین” کے نام سے ایپ متعارف کرائی جائے گی۔ پی پی آئی کے مطابق صوبائی وزیر اطلاعات عظمیٰ بخاری نے کہا ہے کہ پہلی بار ملک میں خاتون وزیراعلیٰ بنی ہیں، خواتین کے حوالے سے وزیراعلیٰ پنجاب مریم نواز بہت حساس ہیں۔عظمیٰ بخاری نے بتایاکہ وزیراعلیٰ پنجاب مریم نواز کی ہدایت پر خواتین کی سیفٹی کے حوالے سے ایک ایپ متعارف کرائی جارہی ہے۔