شاہین شاہ آفریدی نے دی ہنڈرڈ لیگ چھوڑ دی

لندن (پی پی آئی)فرنچائز ویلش فائرنے شاہین آفریدی کی جانب سے دی ہنڈرڈ لیگ چھوڑنے کی تصدیق کردی ہے۔تفصیلات کے مطابق دی ہنڈرڈ لیگ چھوڑنے کے بعد شاہین آفریدی کی کینیڈا کی گلوبل ٹی20 لیگ کے ساتھ بات چیت جاری ہے، کینیڈا کی گلوبل ٹی ٹوئینٹی لیگ اور دی ہنڈرڈ کی تاریخیں متصادم ہو رہی تھیں،  شاہین آفریدی نے انگلینڈ کرکٹ بورڈ کو دی ہنڈرڈ چھوڑنے کی وضاحت کر دی ہے، شاہین آفریدی نے بتایا کہ وہ  اپنی فیملی کے ساتھ وقت گزارنا چاہتے ہیں۔ شاہین آفریدی ای سی بی کو وضاحت کی کہ  وہ 4 ہفتوں تک فیملی سے دور رہنے میں ہچکچاہٹ کا شکار تھے۔