کالعدم ٹی ٹی پی کراچی ولایہ کا ذمہ دارہدایت اللہ عرف عبدالحکیم گرفتار

کراچی(پی پی آئی)سی ٹی ڈی شعبہ تفتیش نے سائٹ کے علاقے میں کارروائی کرتے ہوئے کالعدم ٹی ٹی پی کے دہشتگرد ہدایت اللہ عرف عبدالحکیم کو حراست میں لے لیا۔پی پی آئی کے مطابق ترجمان سی ٹی ڈی کا کہنا ہے کہ ملزم کا تعلق کالعدم ٹی ٹی پی سوات گروپ سے ہے، گرفتار ملزم کالعدم ٹی ٹی پی کراچی ولایہ کے تعلیمی امور کا ذمہ دار بھی ہے۔ترجمان کے مطابق ملزم کو کالعدم ٹی ٹی پی کے کارندوں کیلئے چندہ جمع کرتے ہوئے گرفتار کیا گیا، گرفتار ملزم سے چندے کی رقم اور بک بھی برآمد کرلی گئی ہے۔ترجمان سی ٹی ڈی کے مطابق گرفتار دہشتگرد کا ایک بھائی کفایت اللہ کالعدم ٹی ٹی پی سوات مولوی فضل اللہ کا قریبی ساتھی تھا، گرفتار ملزم کا بھائی کفایت اللہ بھی سوات آپریشن کے بعد سے غائب ہے۔