پنجاب میں صنفی تشدد کے کیسز میں 100فیصد اضافہ، پختونخوا کا دوسرا نمبر

اسلام آباد(پی پی آئی) پنجاب میں صنفی تشدد کے کیسز میں 100 فیصد اضافہ سامنے آیا ہے۔ قانون وانصاف کمیشن کی رپورٹ کے مطابق عدالتوں میں صنفی تشدد کے زیر التوا مقدمات میں بھی اضافہ ہونے لگا ہے۔پی پی آئی کے مطابق واضح رہے ملک بھر میں صنفی جرائم سے نمٹنے کیلئے 480 خصوصی عدالتیں 2019 میں قائم کی گئی تھیں۔ قانون وانصاف کمیشن کی  رپورٹ میں انکشاف ہوا کہ پنجاب میں صنفی تشدد کے زیرالتوا مقدمات میں 100 فیصدجبکہ سندھ میں 3،کے پی میں 14، بلوچستان میں 2 اور اسلام آباد میں ایک فیصد اضافہ ہوا،، صنفی جرائم میں ملوث ملزمان کی سزاؤں کی شرح 5 فیصد اور بری ہونے کی  64 فیصد ہے۔