شیخ رشید کی 13 اگست کی شب لال حویلی میں جلسے کی درخواست مسترد

راولپنڈی(پی پی آئی)عوامی مسلم لیگ کے سربراہ شیخ رشید کی 13 اگست کی شب لال حویلی میں جلسہ کرنے کی درخواست مسترد کر دی گئی۔سابق وفاقی وزیر شیخ رشید نے  13 اگست کی شب لال حویلی میں جلسہ کرنے کے لیے اجازت کی درخواست دے رکھی تھی جسے ڈپٹی کمشنر راولپنڈی نے مسترد کر دیا۔ضلعی انتظامیہ کا کہنا ہے کہ امن و امان کی صورتحال اور سکیورٹی خدشات کے باعث عوامی اجتماع کی اجازت نہیں دے سکتے۔درخواست مسترد ہونے کے بعد شیخ رشید نے ویڈیو بیان میں کہا کہ ہمیں 13 اگست کو جلسے سے روک دیا گیا ہے، جس کا مجھے افسوس ہے۔