راولپنڈی میں فتنہ گروپ کو کسی تماشے کی اجازت نہیں، عظمیٰ بخاری

لاہور(پی پی آئی)وزیر اطلاعات پنجاب عظمیٰ بخاری نے تحریک انصاف پر تنقید کرتے ہوئے کہا کہ جب ملک کے حالات بہتر ہونے لگتے ہیں توان کا فتنہ فساد شروع ہوجاتا ہے، فتنہ گروپ کو راولپنڈی میں کسی تماشے کی اجازت نہیں۔پی پی آئی کے مطابق وزیر اطلاعات پنجاب عظمیٰ بخاری نے لاہور میں پریس کانفرنس کرتے ہوئے کہا کہ وزیراعظم شہبازشریف نے اقوام متحدہ میں فلسطین اور کشمیر کا بھرپور مقدمہ لڑا، انہوں نے اپنے خطاب میں پاکستانی قوم کی ترجمانی کی،  انہوں نے کہا کہ وزیراعظم نے اسرائیلی وزیراعظم کی تقریر کا بائیکاٹ کیاجس کی تقلید کرتے ہوئے باقی ممالک نے بھی اسرائیلی وزیراعظم کا بائیکاٹ کیا، اقوام متحدہ کے باہر تماشہ لگانے والوں کو منہ کی کھانی پڑی۔ صوبائی وزیر نے کہا کہ جیل میں بیٹھے فتنے کو ملک کا سکون اچھا نہیں لگتا، راولپنڈی میں فساد کا پروگرام بنایا گیا ہے، کسی نے قانون ہاتھ میں لینے کی کوشش کی تو قانون حرکت میں آئے گا۔ عظمیٰ بخاری نے مزید کہا کہچوراہے بند کرنے کی کوشش پر ا ٓ  ہنی ہاتھوں سے نمٹا جائے گا۔