پاکستان روس کے ساتھ کثیر جہتی شراکت داری چاہتا ہے:وزیر دفاع

 اسلام آباد (پی پی آ ئی)روس کے سفیرALBERT-P-KHOREV نے اسلام آباد میں وزیر دفاع خواجہ محمد آصف سے ملاقات کی۔انہوں نے دوطرفہ دفاعی اور اقتصادی تعاون پر تبادلہ خیال کیا۔وزیر دفاع نے علاقائی امن و سلامتی کے لئے پاکستان کے عزم کا اعادہ کیا۔انہوں نے کہا کہ پاکستان روس کے ساتھ خصوصاً دفاع، تجارت، توانائی اور عوامی ربطوں سمیت طویل المدتی کثیرجہتی شراکت داری قائم کرنے کا خواہشمند ہے۔روسی سفیر نے پاکستان کے ساتھ باہمی دلچسپی کے مختلف شعبوں میں تعاون کرنے کے اپنی حکومت کے عزم کا اظہار کیا۔