خاران میں فائرنگ سے شخص جاں بحق

خاران)پی پی آئی) خاران کے علاقے چیف چوک میں بدھ کے روز نامعلوم افراد کی فائرنگ سے ایک شخص جاں بحق ہو گیا۔ریسکیو ذرائع کے مطابق، نامعلوم حملہ آوروں نے چیف چوک میں ایک شخص پر فائرنگ کی اور موقع سے فرار ہو گئے۔ہلاک ہونے والے کی شناخت شفیع محمد ولد محمد کرم یلانزئی کے نام سے ہوئی ہے۔ لاش کو ضروری قانونی کارروائی کے بعد اسپتال منتقل کیا گیا اور بعد ازاں ورثا کے حوالے کر دیا گیا۔ مقتول کے گھر میں کہرام مچ گیا ہے۔ واقعے کی مزید تفتیش جاری ہے۔