پولیس مقابلے میں ہلاک ڈاکٹر شاہنواز کی قبر کشائی، پوسٹ مارٹم مکمل

میرپورخاص(پی پی آئی)جوڈیشل مجسٹریٹ کی نگرانی میں 5 رکنی میڈیکل ٹیم نے ڈاکٹر شاہنواز کا پوسٹ مارٹم مکمل کرلیا۔میرپور خاص  پولیس مقابلے میں ہلاک ڈاکٹر شاہنواز کی قبر کشائی کی گئی، جوڈیشل مجسٹریٹ کی نگرانی میں میڈیکل ٹیم نے پوسٹ مارٹم کیا۔پولیس سرجن کے مطابق قبر سے 13 نمونے لیے گئے ہیں،10 نمونے کیمیکل اور 3 نمونے ڈی این اے لیبارٹری بھیجے جائیں گے، رپورٹ 1 ماہ میں آنے کا امکان ہے۔دوسری جانب ہنگامہ آرائی اور جلاو گھیراو کے مقدمے میں انسداد دہشت گردی عدالت نے 9 ملزمان کو ضمانت پر رہا کرنے کا حکم دے دیا۔