سمندری گھاس کی افادیت کا شعور اجاگر کرنے کیلئے عالمی دن منایا گیا

کراچی،یکم مارچ (پی پی آئی) “سمندری گھاس کا عالمی دن ہفتہ کے روز منایا گیا۔ یہ دن سمندری گھاس کی عالمی سطح پر کمی کے بارے میں شعور اجاگر کرنے کے لئے منایا جاتا ہے۔”تازہ ترین اعدادوشمار کے مطابق دنیا بھر میں اس اہم سمندری مسکن کا ہر سال تقریباً سات فیصد ختم ہو رہا ہے۔ سمندری گھاس غذائی تحفظ، موسمیاتی تبدیلی کے بحران میں کمی، حیاتیاتی تنوع کو تقویت دینے، پانی کو صاف کرنے، ساحلی پٹیوں کی حفاظت اور مختلف بیماریوں پر قابو پانے میں اہم کردار ادا کرتی ہے۔”ماہرین کا کہنا ہے کہ سمندری گھاس کی کمی زمین کے ماحول پر گہرے اثرات ڈال سکتی ہے۔ اس دن کا مقصد لوگوں کو اس کے تحفظ اور اس کی اہمیت کے حوالے سے آگاہی فراہم کرنا ہے۔”حکومت اور ماحولیات کے ادار وں نے اس دن کو منانے کے لئے مختلف پروگراموں کا اہتمام کیا تاکہ عوام کو اس سلسلے میں شعور دیا جا سکے۔”