پنجاب، خیبر پختونخوا میں بارشوں کا نیا سلسلہ، متعلقہ ادارے الرٹ

لاہور(پی پی آئی) پنجاب اور خیبر پختونخوا کی صوبائی ڈیزاسٹر مینجمنٹ اتھارٹیز (پی ڈی ایم اے) نے آج سے اتوار تک مختلف علاقوں میں بارشوں کے نئے سلسلے کی پیش گوئی کرتے ہوئے وارننگ جاری کر دی ہے۔محکمہ موسمیات کی پیشن گوئی کے پیش نظر، تمام کمشنرز اور ڈپٹی کمشنرز کو ہائی الرٹ رہنے کی ہدایت دی گئی ہے۔ متعلقہ اداروں کو بھی کسی ممکنہ لینڈ سلائیڈنگ کی صورت میں سڑکوں کو فوری بحال کرنے کے لیے تیار رہنے کا کہا گیا ہے۔حکام نے سیاحوں کو مشورہ دیا ہے کہ وہ اس دوران پہاڑی علاقوں کے سفر سے گریز کریں تاکہ کسی بھی ممکنہ خطرے سے محفوظ رہ سکیں۔