پاکستان اور دنیا بھر میں آباد پارسی برادری نے جشن نوروز منایا،تقاریب منعقد

اسلام آباد،20مارچ (پی پی آئی)وزیر اعظم محمد شہباز شریف نے پاکستان اور دنیا بھر میں پارسی برادری کو جشن نوروز کی مبارکباد دی ہے۔ نوروز موسم بہار کی آمد اور فطرت کی تجدید کی علامت سمجھا جاتا ہے۔ وزیر اعظم نے کہا کہ اس خوشی کے موقع پر وہ پارسی برادری سے تعلق رکھنے والے پاکستانیوں کا شکریہ ادا کرتے ہیں جنہوں نے ملکی تعمیر و ترقی میں اہم کردار ادا کیا ہے۔ شہباز شریف نے اپنے تہنیتی پیغام میں پارسی برادری کی خدمات کو سراہا۔ انہوں نے کہا کہ برادری نے ہمیشہ پاکستان کے لئے اہم کردار ادا کیا ہے۔ وزیر اعظم نے امید ظاہر کی کہ یہ تہوار سب کے لئے خوشی اور محبت کا پیغام لے کر آئے گا۔