بلوچستان میں پانی کی کمی اور تعلیمی بہتری پرآبی وسائل کے ماہرین اور تعلیمی حکام کی ملاقات

کوئٹہ،21اپریل (پی پی آئی)بلوچستان یونیورسٹی میں آبی وسائل کی بحالی کے ماہرین اور تعلیمی حکام کے درمیان اہم ملاقاتیں ہوئیں، جس میں صوبے میں پانی کی کمی اور تعلیمی نظام کی بہتری کے امکانات پر تبادلہ خیال کیا گیا۔بلوچستان یونیورسٹی کے بیان کے مطابق، بلوچستان کے آبی وسائل کی بحالی کے ماہرین کے ایک گروپ نے جامعہ بلوچستان کا دورہ کیا اور وائس چانسلر پروفیسر ڈاکٹر ظہور احمد بازئی سے ملاقات کی۔ ملاقات میں گروپ لیڈر مسٹر جیلے بیک ما نے صوبے میں پانی کی کمی کے مسائل اور ان کے حل پر بات چیت کی۔بعد ازاں، سیکریٹری کالجز ہائیر اینڈ ٹیکنیکل ایجوکیشن ڈیپارٹمنٹ حافظ محمد طاہر نے بھی جامعہ کا دورہ کیا اور وائس چانسلر سے ملاقات کی۔ اس دوران تعلیمی، تحقیقی سرگرمیوں، صوبے کے تعلیمی نظام اور تربیتی پروگرامز پر گفتگو ہوئی۔ وائس چانسلر نے تعلیمی معیار کی بہتری کے لئے مشترکہ تعلیمی، تربیتی سرگرمیوں کو فروغ دینے کی اہمیت پر زور دیا۔سیکریٹری تعلیم نے وائس چانسلر کے ہمراہ امتحانی مرکز کا بھی دورہ کیا اور وہاں جاری امتحانات کا جائزہ لیا۔ انہوں نے جامعہ کے تعلیمی سرگرمیوں کی تعریف کی اور مستقبل میں مشترکہ اقدامات کی یقین دہانی کرائی۔