کراچی کی برف فیکٹری میں گیس سلنڈر پھٹنے سے زخمی تیسرا نوجوان بھی چل بسا

نوشہرو فیروز،21اپریل (پی پی آئی) پڈعیدن کے نواحی گاؤں ڈراکھی کا نوجوان امجد علی راجپرچند روز قبل کراچی کی برف  فیکٹری میں گیس سلنڈر پھٹنے سے زخمی ہوا گیاتھا جو زخموں کی تاب نہ لاتے ہوئے چل بسا۔ اس واقعہ میں پڈعیدن سے تعلق رکھنے والے جانبحق نوجوانوں کی تعداد تین ہوچکی ہے۔امجد علی راجپر گیس سلنڈر پھٹنے کے حادثے میں شدید زخمی ہوا تھا اور کراچی کے ایک مقامی اسپتال میں زیر علاج تھا۔اس حادثے میں پہلے ہی دو نوجوان اپنی جان سے ہاتھ دھو بیٹھے  تھے۔امجد علی کے انتقال کے بعد ان کے گاؤں میں غم کا ماحول ہے