بلوچستان کے شہر ژوب میں زلزلے کے جھٹکے، شہریوں میں خوف و ہراس

 ژوب،26اپریل (پی پی آئی) بلوچستان کے ضلع ڑوب میں 2 اعشاریہ 8 کی شدت کے زلزلے کے جھٹکے محسوس کیے گئے جس سے شہریوں میں خوف و ہراس پھیل گیا۔زلزلہ پیما مرکز کے مطابق زلزلے کی شدت 2.8 اور اس کی گہرائی 10 کلومیٹر ریکارڈ کی گئی۔زلزلے کا مرکز سے جنوب مشرق میں 100 کلومیٹر تھا۔ ابھی تک زلزلے سے کسی قسم کے جانی و مالی نقصان کی اطلاعات موصول نہیں ہوئی ہیں۔