لیاری کراچی میں دبئی چوک پر پولیس اور ڈاکووں کے درمیان فائرنگ کا تبادلہ

کراچی،27اپریل (پی پی آئی) بغدادی پولیس کا دوران پیٹرولنگ ڈکیتوں سے آمنا سامنا ہوا جس کے نتیجے میں فائرنگ کا تبادلہ ہوا۔ واقعہ دبئی چوک کے قریب پیش آیا جہاں ملزمان نے پولیس پر فائرنگ کی۔ پولیس کی جوابی کارروائی کے بعد ایک ملزم زخمی جبکہ دو کو گرفتار کر لیا گیا۔ملزمان کی شناخت ارشد، جو زخمی ہوا، اور سجاد کے ناموں سے کی گئی ہے۔ پولیس نے ملزمان کے قبضے سے ایک پستول بمعہ راؤنڈز اور ایک چوری شدہ موٹر سائیکل برآمد کی ہے۔ موٹر سائیکل تھانہ کھارادر سے چوری کی گئی تھی۔زخمی ملزم کو طبی امداد کے لیے ہسپتال منتقل کیا جا رہا ہے جبکہ ملزمان کے سابقہ کریمنل ریکارڈ کی جانچ کی جا رہی ہے۔ ان کے خلاف مقدمات درج کر کے قانونی کاروائی بھی کی جا رہی ہے۔