خیرپور میں ٹیکسی ڈرائیور کے قتل کیس میں میاں، بیوی کو عمر قید وجرمانہ

خیرپور،29اپریل (پی پی آئی) پیر کو ٹیکسی ڈرائیور کے قتل کیس میں شوہر، بیوی کو عمر قید اور جرمانے کی سزا سنادی گئی۔ تفصیلات کے مطابق ایڈیشنل ڈسٹرکٹ سیشن جج 2 خیرپور احسان حیدر شاہ نے مقدمہ ثابت ہونے پر غلام شہید جٹ اور اس کی بیوی روبینہ کو عمر قید اور 50 ہزار روپے جرمانے کی سزا سنائی۔عدالت نے غلام شہید جٹ اور روبینہ کو غیر قانونی اسلحہ رکھنے کا مجرم قرار دیتے ہوئے 10-10 سال مزید سزا بھی سنائی۔ جرمانے کی عدم ادائیگی پر انہیں مزید 6-6 ماہ قید کاٹنی ہوگی۔قتل کا واقعہ 16 مارچ 2019 کو صورہ تھانے کی حدود میں پیش آیا تھا۔ ٹیکسی ڈرائیور نادر علی راجپر کو ماشاء اللہ سٹون کریشنگ پلانٹ ہلز ایریا کے قریب قتل کیا گیا تھا۔ملزمان نے جرمانے کی عدم ادائیگی کی صورت میں مزید قید کا سامنا کرنا ہوگا۔