کراچی میں ٹرانسپورٹ مسائل کے حل کے لئے اعلیٰ سطح اجلاس

کراچی، 19 مئی (پی پی آئی) کمشنر کراچی سید حسن نقوی کی زیر صدارت ٹرانسپورٹ مسائل پر ایک اہم اجلاس منعقد ہوا جس میں سیکریٹری ٹرانسپورٹ، ڈی آئی جی ٹریفک، سیکریٹری آر ٹی اے اور ایس ایس پیز نے شرکت کی۔اجلاس میں تفصیلی طور پر ٹریفک کے مسائل اور ان کے حل کے لئے تجاویز پیش کی گئیں۔ کمشنر کراچی نے چنگچی رکشوں کے شہر میں داخلے کے مزید روٹس پر پابندی لگانے کی ہدایات دیں۔کمشنر نے ناکارہ بسوں کے مالکان سے ملاقات کر کے بسوں کو عوام کے استعمال کے قابل بنانے کے لئے ایک ماہ کا وقت دینے کی تجویز دی۔ انہوں نے لی مارکیٹ بس اڈہ کے مکمل خاتمے کے لئے ہدایات بھی جاری کیں۔کمشنر نے ذوالفقار آباد ٹرمینل کا دورہ کرنے کا فیصلہ کیا اور اس مسئلہ کے مستقل حل کی ضرورت پر زور دیا۔ کمشنر نے نئے بس اسٹاپس کی تعمیر کے لئے بھی ہدایات دیں۔کورنگی میں چنگچی رکشوں کی غیر قانونی سرگرمیوں کے خلاف کارروائی کرنے کی ہدایات بھی دی گئیں۔ ایس ایس پی ٹریفک کو چنگچی رکشوں کے خلاف ایف آئی آر درج کرنے کا حکم دیا گیا۔