میئر کراچی کاتاریخی زچگی اسپتال میں نئی سہولیات کا افتتاح

کراچی، 27 مئی (پی پی آئی) میئر کراچی بیرسٹر مرتضیٰ وہاب نے صوبائی وزیرصحت عذرا پیچوہو کے ہمراہ منگل کو سوبھراج زچگی اسپتال میں نئی سہولیات کا افتتاح کیا۔اسپتال میں کی جانے والی اپ گریڈیشن میں ایک نومولود بچوں کی نگہداشت کایونٹ (NICU)، ایک بچوں کا جنرل  یونٹ، اور ایک او پی ڈی شامل ہیں۔مرتضیٰ وہاب نے سوبھراج زچگی اسپتال کی تاریخی اہمیت کا ذکر کرتے ہوئے کہاکہ سوبھراج اسپتال، کراچی میٹروپولیٹن کارپوریشن (KMC) کے تحت چلنے والا شہر کے قدیم ترین زچگی مراکز میں سے ایک ہے۔ انہوں نے سندھ انسٹیٹیوٹ آف چائلڈ ہیلتھ کے ساتھ تعاون پر شکریہ ادا کیا جس کا مقصد مریضوں کے لیے خدمات کو بہتر بنانا ہے۔سندھ انسٹیٹیوٹ آف چائلڈ ہیلتھ کے ساتھ شراکت داری سے اسپتال میں مریضوں کی دیکھ بھال میں مزید ترقی کی توقع کی جارہی ہے۔