کراچی، 4 اگست(پی پی آئی) کراچی میں پیر کے روز سعدی ٹاؤن، بلاک 3-اے میں عمر مسجد کے قریب ایک مکان سے 35 سالہ مصطفی کمال ولد احمد مجتبیٰ آصف کی پھندا لگی لاش ملی ۔ ایدھی ایمبولینس نے لاش کو عباسی شہید اسپتال منتقل کیا اور سچل گوٹھ پولیس ممکنہ خودکشی کی تحقیقات کر رہی ہے۔
شہر کے ایک اور علاقے سپر ہائی وے پر نیو سبزی منڈی کے قریب ٹریفک حادثے میں 24 سالہ شیراز حمید ولد عبدالحمید جاں بحق گیا۔ ایدھی ایمبولینس کے ذریعے حمید کی لاش کو عباسی شہید اسپتال پہنچایا گیا۔ سائٹ سپر ہائی وے پولیس اسٹیشن کے علاقے میں یہ واقعہ پیش آیا۔
ایک الگ واقعے میں، حسن اسکوائر کے قریب ایک نالے میں ایک مسخ شدہلاش ملی۔ ایدھی ایمبولینس نے لاش کو ایدھی سرد خانے منتقل کردیا۔ حکام متوفی کی شناخت اور موت کی وجہ معلوم کرنے کی کوشش کر رہے ہیں۔