سکھر، 17 اگست 2025 (پی پی آئی) گورنر سندھ محمد کامران ٹیسوری سکھر کے دورے پر ہیں، 18 اگست کو دوپہر ایک بجے ایک مقامی ہوٹل میں پریس کانفرنس اور سکھر، لاڑکانہ اور شہید بینظیر آباد کی سرکاری یونیورسٹیوں کے وائس چانسلرز کے ساتھ ملاقات نیز سرکٹ ہاؤس سکھر میں شام 4 بجے سرکاری جامعات کے وائیس چانسلرز کے اجلاس کی صدارت کرینگے ، جس میں صوبائی اعلیٰ تعلیم کے شعبے کے اہم امور پر غور کیا جائے گا۔
بعد ازاں، گورنر سکھر چیمبر آف کامرس اینڈ انڈسٹری کی جانب سے منعقدہ عشائیے میں کاروباری برادری سے ملاقات کریں گے۔ گورنر کا شیڈول 19 اگست کو سکھر آئی بی اے یونیورسٹی میں لیپ ٹاپ کی تقسیم اور سکھر کھجور منڈی کے دورے کے ساتھ جاری رہے گا۔
ان کے دورے کے آخری دن، 20 اگست کو، خیرپور چیمبر آف کامرس اینڈ انڈسٹری کی جانب سے سکھر ہوٹل میں استقبالیہ دیا جائے گا-