ریڈ زون میں کسی احتجاج کے داخلے کی اجازت نہیں:اسلام آباد پولیس

اسلام آ باد(پی پی آ ئی) کلرک ایسوسی ایشنز کے احتجاج کے معاملے پر اسلام آباد پولیس نے ایک بیان میں کہا ہے کہ ریڈ زون میں کسی احتجاج کے داخلے کی اجازت نہیں اور نہ ہی مظاہرے میں شرکت کے لیے باہر سے آنے والے کسی شخص کو ریڈ زون داخلے کی اجازت دی جائے گی۔اسلام آ باد پو لیس نے کہا کہ احتجاج شہریوں کا حق ہے لیکن سڑکیں بند کرنے کی کسی کو اجازت نہیں دی جائے گی۔ پرتشدد سرگرمیاں کرنے والوں سے آہنی ہاتھوں سے نمٹا جائے گا۔ اسلام آباد میں قیام امن اسلام آباد کیپیٹل پولیس کی اولین ذمہ داری ہے۔