اسلام آباد ایئرپورٹ کے راستے کلیئر کرانے کی اجازت طلب

اسلام آ باد(پی پی آ ئی)اسلام آباد پولیس نے سیکریٹری داخلہ اور چیف کمشنر سے اسلام آباد ایئرپورٹ جانے والے راستوں، بشمول لاہور پشاور موٹروے، کلیئر کرنے کی اجازت مانگ لی ہے۔ایک خط میں آئی جی اسلام آباد نے ایئرپورٹ جانے والے راستوں اور تین ٹول پلازے کو کلیئر کروانے کے لیے فورس کے استعمال کی اجازت مانگی ہے۔خط میں کہا گیا کہ اسلام آباد ایئرپورٹ اور اس کے راستے انتظامی طور پر پنجاب کی حدود میں ہیں تاہم سفارتکار اور غیر ملکی شخصیات اسے وفاقی دارالحکومت تک رسائی کے لیے استعمال کرتے ہیں لہذا یہ معاملہ اہمیت کا حامل ہے۔آئی جی کے مطابق ایئرپورٹ پر ناخوشگوار واقعہ ملک کے لیے بدنامی کا باعث بن سکتا ہے۔ ’ٹھلیاں اور پشاور موٹروے پر رکاوٹیں بین الاقوامی مصائب کا شکار ہوسکتی ہیں۔خط کے متن کے مطابق اسلام آباد پولیس کو مکمل اختیارات دے کر راستے خالی کرانے کا اختیار دیا جائے اور تمام صوبوں کو واضح ہدایات دی کر ٹول پلازوں تک رسائی دی جائے۔