اسلام آباد میں مزید 35 افراد میں ڈینگی وائرس کی تصدیق

اسلام آ باد(پی پی آ ئی)اسلام آباد میں ڈینگی کے مزید 35 کیسز سا منے آ گئے۔اسلام آ باد میں اعداد و شمار کے مطابق ڈینگی سے متاثرہ افراد کی کل تعداد 5 ہزار 1 سو 41 ہوچکی ہے جبکہ وفاقی دارالحکومت میں ڈینگی سے جاں بحق افراد کی تعداد اب تک 11 ہے۔ ڈی ایچ او کے مطابق گزشتہ چوبیس گھنٹوں کے دوران دیہی علاقوں میں ڈینگی کے 21 کیسز سامنے آئے جبکہ شہری علاقوں سے 14 کیسز رپورٹ ہوئے۔ اس کے ساتھ ساتھ فیڈرل جنرل ہسپتال چک شہزاد میں ڈینگی کے 4 مریض داخل کیے گئے۔ اس کے علاوہ پمز ہسپتال میں ڈینگی کے 9 مریض لائے گئے۔شہر کی نجی لیبارٹریوں میں آنے والے 18 افراد میں ڈینگی وائرس کی تصدیق ہوئی۔