مرغی کے گوشت کی قیمتیں بڑھنے کا خدشہ

کراچی (پی پی آئی) پولٹری فیڈ میں استعمال ہونیوالے سویا بین کے درجنوں کنٹینرز پورٹ پر پھنس گئے ہیں، پولٹری ٹریڈرز ایسوسی ایشن نے کنٹینرز ریلیز ہونے میں تاخیر پر مرغی کے گوشت کی قیمتیں بڑھنے کا خدشہ ظاہر کردیا ہے، پی پی آئی کے مطابق سویا بین پولٹری فیڈ میں بنیادی جز ہے، پولٹری فیڈ کی قلت ہوئی تو بوائلر چوزہ کمزور ہوگا اور چکن کی قلت سر اٹھائے گی۔ پولٹری ٹریڈرز ایسوسی ایشن نے وفاقی حکومت سے سویا بین کے کنٹینرز فوری ریلیز کرنے کے احکامات جاری کرنے کامطالبہ کیاہے۔