کلائمٹ چینج سے متاثر ممالک کے لیے فنڈ کا قیام، وزیر اعظم کا خیر مقدم

اسلام آباد(پی پی آ ئی) وزیر اعظم شہباز شریف نے کہا ہے کہ کوپ 27 میں ازالہ جاتی فنڈ کا قیام موسمیاتی انصاف کے ہدف کی طرف پہلا اہم قدم ہے۔سماجی رابطے کی ویب سائٹ ٹوئٹر پر اپنے پیغام میں وزیز اعظم شہباز شریف نے کہا کہ کوپ 27 میں ازالہ جاتی فنڈ کا قیام موسمیاتی انصاف کے ہدف کی طرف پہلا اہم قدم ہے، یہ عبوری کمیٹی پر منحصر ہے کہ وہ اس تاریخی ترقی کو آگے بڑھائے۔انہوں نے کہا کہ وزیر برائے کلائمٹ چینج شیری رحمٰن اور ان کی ٹیم کی کوششیں قابل تعریف ہیں۔خیال رہے کہ مصر میں ہونے والے ماحولیاتی سمٹ کوپ 27 میں پاکستان کی کوششوں کے نتیجے میں تاریخی معاہدہ طے پا گیا جس کے تحت ماحولیاتی نقصان سے متاثرہ ترقی پذیر ممالک کو معاوضہ دیا جائے گا۔اس معاہدے سے ترقی پذیر ممالک کو ماحولیاتی تبدیلی کے باعث تباہی سے نمٹنے اور بحالی میں مدد ملے گی۔