پنجاب میں کار مالکان 2 ماہ کیلئے بائیو میٹرک رجسٹریشن سے مشتنیٰ

لاہور (پی پی آئی)پنجاب ایکسائزاینڈ ٹیکسیشن ڈیپارٹمنٹ نے کار مالکان کو 2 ماہ کیلئے بائیو میٹرک رجسٹریشن سے اشتنیٰ دے دیا ہے۔پی پی آئی کے مطابق ستمبر 2022 میں ایکسائز اینڈ ٹیکسیشن ڈیپارٹمنٹ نے تکنیکی خرابی کی وجہ سے بائیو میٹرک تصدیق کے نظام کو معطل کرنے کا اعلان کیا تھا، رپورٹ کے مطابق پرانی اور نئی گاڑیوں کی رجسٹریشن کے طریقہ کار میں تضاد کے باعث سسٹم میں خرابی پیدا ہوئی تھی جس کو دور کرنے کیلئے محکمہ نے پرانے مینوئل سسٹم کے ذریعے پرانی گاڑیوں کے ڈیٹا کو نئے سسٹم میں درج کرنے کا فیصلہ کیا ہے جو بہت طویل کام ہے، لیکن اس کے تحت گاڑی مالکان کو فائدہ بھی پہنچے گا جن کو بائیو میٹرک کے ذریعے گاڑیوں کی رجسٹریشن میں مشکلات کا سامنا کرنا پڑا تھا،پی پی آئی کے مطابق اس نظام کے تحت محکمہ کو ایک لاکھ 77ہزار پرانی گاڑیوں کا ڈیٹا نئے سسٹم میں شامل کرنا ہے۔