پیپلز پارٹی کے رکن ممتاز چانگ کی بہن کے گھر ڈاکووں کا حملہ

رحیم یار خان (پی پی آ ئی)پولیس پر ڈاکوؤں سے ملی بھگت کا الزام لگانے والے پاکستان پیپلز پارٹی کے رکن پنجاب اسمبلی ممتاز چانگ کی بہن کے گھر پر مبینہ طور پر ڈاکووں نے حملہ کردیا۔ذرا ئع کے مطابق رحیم یار خان میں علاقہ مکینوں اور مبینہ ڈاکووں کے درمیان فائرنگ کا تبادلہ ہوا۔اس حوالے سے ممتاز چانگ کا کہنا تھا کہ ڈاکووں نے قریبی عزیزوں کو اغوا کرنے کی کوشش کی۔دوسری جانب پولیس کا دعویٰ ہے کہ علاقے کی ناکہ بندی کردی ہے۔دوسری جانب علاقے سے چند روز قبل اغوا کیے گئے دو پہلوانوں کا بھی کچھ پتا نہ چل سکا۔پیپلز پارٹی کے رکن پنجاب اسمبلی ممتاز چانگ نے پولیس پر ڈاکوؤں سے ملی بھگت کا الزام لگایا تھا۔