شہباز شریف کا اداکار اسماعیل تارا کے انتقال پر ا ظہارافسوس

کراچی (پی پی آئی) وزیراعظم شہباز شریف نے مزاحیہ اداکار اسماعیل تارا کے انتقال پر افسوس کا اظہار کرتے ہوئے اسماعیل تارا کے بلندی درجات کیلئے دعا اور اہل خانہ سے تعزیت کا اظہار کیا گیا ہے۔پی پی آئی کے مطابق اپنے تعزیتی بیان میں وزیراعظم شہباز شریف کا کہنا تھا کہ مرحوم اسماعیل تارا مزاحیہ اداکاری میں منفرد مقام رکھتے تھے، پی ٹی وی اور فلم کے ناظرین کے ذہنوں پر ان کی اداکاری کے انمٹ نقوش ہیں۔ انہوں نے یہ بھی کہا کہ پاکستان ٹیلیویڑن کے پروگرام ففٹی ففٹی میں ان کی اداکاری یادگار رہے گی، اسماعیل تارا کی خدمات ہمیشہ یاد رکھی جائیں گی۔