اہل علم کا دنیا سے رخصت ہو نا باعث رنج ہے،مولانا ابرار رحمانی مولانا شاہدین اشرفی سچے مذہبی انسان اور جذ بہ حب الوطنی سے سرشار تھے خدمات یاد رکھی جائیں گی, فاتحہ خوانی و بخشش و مغفرت،بلندی درجات کی دعا

کراچی)پی پی آئی) جما عت اہلسنّت پاکستان کے رہنماء مولانا ابرار احمد رحمانی نے مرحوم مولانا شاہدین اشرفی کے انتقال پر کہا کہ اہل علم و فراست کا دنیا سے رخصت ہو نا باعث رنج ہوا کرتا ہے، رب تعالیٰ مرحوم کی دینی خدمات کو قبول فرمائے۔انہوں نے مرکز اہلسنّت میں منعقد تعزیتی اجلاس میں مرحوم مولانا شاہدین اشرفی کی دینی و ملی خدمات پر خراج عقیدت پیش کیا اورکہا کہ مولانا شاہدین سچے مذہبی انسان اور جذ بہ? حب الوطنی سے سرشار تھے ان کی خدمات یاد رکھی جائیں گی۔ اس موقع پر مرحوم کیلئے فاتحہ خوانی و بخشش و مغفرت،بلندء درجات،جنت میں اعلیٰ مقام اور اہل خانہ کیلئے صبر جمیل کی دعا بھی کی گئی۔