مقبوضہ کشمیر میں حریت قیادت اور کارکنوں کی املاک ضبط کی جانے لگی عالمی برادری تنازعہ کشمیر کو حل کرانے کیلئے بھارت پر دباؤ ڈالے: حریت کانفرنس

جموں /مقبوضہ کشمیر(پی پی آ ئی)مقبوضہ کشمیرکل جماعتی حریت کانفرنس نے حریت رہنماؤں اور کارکنوں کی املاک ضبط کرنے کی مذمت کرتے ہو ئے کہا ہے کہ قابض انتظامیہ اوچھے ہتھکنڈے اپنارہی ہے تاکہ کشمیری عوام تحریک آزادی سے دستبردار ہوجائیں لیکن یہ اس کی خام خیالی ہے کیونکہ کشمیری عوا م حق خود ارادیت مانگ رہے ہیں جس کا وعدہ پنڈت جواہر لعل نہرو نے اقوا م متحدہ میں کیا تھا۔کل جماعتی حریت کانفرنس نے عالمی برادری پر زور دیا کہ وہ تنازعہ کشمیر کو حل کرانے کے لئے بھارت پر دباؤ ڈالے۔