لندن(پی پی آئی)سابق وزیر اعظم اور مسلم لیگ (ن) کے قائد نواز شریف نے اپنی صاحبزادی مریم نواز کو فوری طور پر لندن طلب کر لیا ہے۔پی پی آئی کے مطابق ذرائع نے بتایا کہ چیف آرگنائزر (ن) لیگ مریم نواز کی آئندہ ہفتے لندن پہنچیں گی اور ایک ہفتہ قیام کا امکان ہے جہاں وہ نواز شریف سے ملاقات اور ان کی وطن واپسی کے معاملات کو حتمی شکل دیں گی۔ذرائع کے مطابق مریم نواز سابق وزیر اعظم کو استقبالیہ پلان کے حوالے سے بریف کریں گی۔ اور ملک کے موجودہ سیاسی و آئینی معاملات پر بھی مشاورت کی جائے گی۔خیال رہے کہ مسلم لیگ (ن) اور خود نواز شریف نے اپنی وطن واپسی کیلیے 21 اکتوبر کا اعلان کر رکھا ہے۔
برطانوی اخبار نے مصباح الحق کو معزز ترین کرکٹر قرار دے دیا
وفاقی حکومت نے ذکاءاشرف کی بحالی کو چیلنج کرنے فیصلہ کرلیا
پی سی بی نے ذاکر خان کو ڈائریکٹر انٹرنیشنل کرکٹ مقرر کردیا گیا
وفاقی حکومت نے ذکاءاشرف کی بحالی کو سپریم کورٹ میں چیلنج کردیا
فیفا ورلڈ کپ 2014 کی ٹرافی جنوبی امریکہ کے ملک پیروپہنچ گئی
نیشنل ہاکی اسٹیڈیم لاہور میںبلیو ٹرف تباہی کا شکار ہوگئی
تازہ ترین خبریں
- April 22, 2026
- April 22, 2026
اشتہار
تازہ ترین
سابق وزیراعلیٰ پنجاب چوہدری پرویزالہٰی ایک بار پھر گرفتار؎
اسلام آباد(پی پی آئی) سابق وزیراعلیٰ پنجاب چوہدری پرویزالہٰی کو ایک بار پھر گرفتار کرلیا گیا، وہ اڈیالہ جیل راولپنڈی سے رہا ہوئے ہی تھے کہ اینٹی کرپشن حکام نے صدر پی ٹی آئی اور سابق وزیراعلیٰ پنجاب پرویزالٰہی کو پھرحراست میں لے لیا، حکام نے بتایا کہ پرویزالہٰی اڈیالہ جیل راولپنڈی سے رہا ہوئے تھے۔حکام کا کہنا تھا کہ پرویزالہٰی کو راہداری ریمانڈ کیلئے مقامی عدالت لیجایا جارہا ہے اور شام تک اینٹی کرپشن ہیڈکوارٹر منتقل کیا جائے گا۔وکیل پرویز الہٰی عبدالرازق نے بتایا کہ پرویز الہٰی کو راہداری ریمانڈ کیلئے اڈیالہ سیجوڈیشل کمپلیکس لایاجارہا ہے، لاہور پولیس پرویز الہٰی کو راہداری ریمانڈ لیکر لاہور لیجانا چاہتی ہے۔عبدالرازق کا کہنا تھا کہ پرویز الہٰی کی جوڈیشل کمپلیکس حملہ کیس میں ضمانت منظور ہے اور لاہور پولیس کسی اور مقدمے میں گرفتار کرکے لاہور لیجانا چاہتی ہے۔گذشتہ روز انسداددہشت گردی عدالت نے جوڈیشل کمپلیکس حملہ کیس میں سابق وزیراعلیٰ پنجاب چوہدری پرویز الٰہی کی منظور کرتے ہوئے رہا کرنے کا حکم دیا تھا۔بعد ازاں سابق وزیر اعلیٰ پنجاب صدر پی ٹی آئی پرویز الٰہی کی ضمانت کے باوجود رہائی کا معاملہ لٹک گیا تھا، ان کے وکیل سردار عبدالرازق خان کا کہنا تھا کہ پرویز الٰہی کے ضمانتی مچلکے پیر کو جمع کروائیں گے، جس کے بعد رہائی کی روبکار عدالت جاری کرے گی۔
ڈیزل مہنگا ہونے سے نئی پریشانی، ٹرینوں کے کرائے مزید بڑھنے کا خدشہ
کراچی (پی پی آئی)ڈیزل کی قیمت میں حالیہ اضافے سے ریلوے پر اربوں روپے کا بوجھ پڑ گیا ہے جس کے بعد کرایوں ایک مرتبہ پھر سے اضافے کا امکان ہے۔پی پی آئی کے مطابق واضح رہے کہ گزشتہ ماہ اور رواں ماہ کے شروع میں بھی ریلویز کی جانب سے ٹرینوں کے کرائے بڑھائے گئے تھے۔حکام کے مطابق پاکستان ریلوے کے سسٹم پر روزانہ تقریبا ساڑھے تین لاکھ لیٹر ڈیزل استعمال ہوتا ہے، ڈیزل کی فی لیٹر17.34 روپے کا اضافے سے ریلوے پر روزانہ کی بنیاد پر 61 لاکھ روپے کا اضافی بوجھ بڑھے گا، اس لحاظ سے ایک ماہ کے دوران ساڑھے 18 کروڑ روپے کا اضافی بوجھ پڑے گا۔واضح رہے کہ 16 اگست اور یکم ستمبر کو بھی ریلویز کی جانب سے ٹرینوں کے کرائے بڑھائے گئے تھے، 16 اگست کو 10 اور یکم ستمبر کو مسافر ٹرینوں اور مال بردار گاڑیوں کے کرایوں میں 5 فیصد اضافہ کیا گیا تھا۔
سرگودھا میں نامعلوم شخص 2 نومولود بچوں کی لاشیں شاپنگ بیگ میں پھینک کر فرار
سرگودھا (پی پی آئی) سرگودھا میں نامعلوم شخص 2 نومولود بچوں کی لاشیں شاپنگ بیگ میں پھینک کر فرار ہو گیا۔ سرگودھا کے سرکاری گائنی ہسپتال کے پاس سے 2 نومولود لاشیں برآمد ہوئیں، نامعلوم شخص نومولود بچوں کی لاشیں شاپنگ بیگ میں ڈال کر فرار ہو گیا تھا،پی پی آئی مطابق پولیس نے دونوں بچوں کی لاشیں ڈسٹرکٹ ہیڈ کوارٹر ہسپتال منتقل کر کے تفتیش شروع کر دی۔پی پی آئی کے مطابق سرگودھا کے سرکاری گائنی ہسپتال کے پاس سے 2 نومولود لاشیں برآمد ہوئیں، نامعلوم شخص نومولود بچوں کی لاشیں شاپنگ بیگ میں ڈال کر فرار ہو گیا تھا۔پولیس نے دونوں بچوں کی لاشیں ڈسٹرکٹ ہیڈ کوارٹر ہسپتال منتقل کر کے تفتیش شروع کر دی۔
تلاش کریں
خبریں
برطانوی اخبار نے مصباح الحق کو معزز ترین کرکٹر قرار دے دیا
(January 23, 2014)
لندن: برطانوی اخبار نے پاکستانی کرکٹ ٹیم کے کپتان مصباح الحق کو دورِ حاضر کی کرکٹ کا ذہین و مضبوط ترین اعصاب کا مالک اور دنیا کا سب سے باعزت کرکٹر قرار دیدیا۔ برطانوی اخبار ٹیلی گراف کی رپورٹ میں شارجہ ٹیسٹ میں سری لنکا کے خلاف فتح میں اہم کردار ادا کرنے پر پاکستانی کپتان کو دنیا کا سب سے عزت دار کرکٹر قرار دیا گیا ہے۔ اس لسٹ میں آسٹریلوی کپتان مائیکل کلارک اور ویسٹ انڈین بلے باز شیونارائن چندرپال کا نام بھی شامل تھا، مصباح دور جدید کی کرکٹ کے ذہین اور مضبوط اعصاب والے کرکٹر ہیں۔ رپورٹ میں کہا گیا ہے کہ مصباح الحق نے سری لنکن ٹیم پر حملے اور پھر3 پاکستانی کھلاڑیوں پر اسپاٹ فکسنگ اسکینڈل کے الزام کے بعد بدترین حالات میں جس طرح ٹیم کی قیادت کی اگر لیجنڈ کرکٹر عمران خان بھی ہوتے توان کے لئے بھی پاکستانی ٹیم کی قیادت آسان نہ ہوتی، مصباح مشکل ترین ہدف کو حاصل کرنے کی صلاحیت بھی رکھتے ہیں اور سری لنکا کے خلاف 302 رنز کا ہدف حاصل کرنے کے لئے ان کی اظہر علی کے ساتھ 109 رنز کی شراکت نے اہم کردار ادا کیا۔
وفاقی حکومت نے ذکاءاشرف کی بحالی کو چیلنج کرنے فیصلہ کرلیا
(January 23, 2014)
اسلام آباد: وفاقی حکومت نے پاکستان کرکٹ بورڈ کے چیئرمین چوہدری محمد ذکاءاشرف کی بحالی کے خلاف سپریم کورٹ میں اپیل کرنے کا فیصلہ کرلیا ۔ بین الصوبائی رابطہ کمیٹی کے قانونی مشیر کے مطابق ذکاءاشرف کی بحالی کو چیلنج کرنے کا فیصلہ نجم سیٹھی اور وزیراعظم کے درمیان ہونے والی ملاقات کے بعد کیا گیا ۔وفاقی حکومت نے اس سے قبل عدالت کے احکامات پر عمل در آمد کرنے کے عزم کا اظہار کیا تھا تاہم دو روز قبل نجم سیٹھی کی وزیراعظم سے ملاقات کے بعد بین الصوبائی رابطہ کمیٹی کو اسلام آباد ہائی کورٹ کے فیصلے کو سپریم کورٹ میں چیلنج کرنے کے احکامات ملے ہیں ۔اٹھارویں ترمیم کے بعد اب صدرمملکت کی جگہ وزیراعظم پی سی بی کے سرپرست اعلیٰ ہیں ۔ وزیراعظم کے احکامات پر ہی نجم سیٹھی کو پی سی بی کی عبوری کمیٹی کا چیئرمین مقرر کیا گیا تھا ۔
پی سی بی نے ذاکر خان کو ڈائریکٹر انٹرنیشنل کرکٹ مقرر کردیا گیا
(January 23, 2014)
لاہور: پاکستان کرکٹ بورڈ نے ذاکر خان کو ڈائریکٹر انٹرنیشنل کرکٹ مقرر کردیا جبکہ انتخاب عالم ڈائریکٹر ڈومیسٹک کی ذمہ داری نبھائیں گے۔ پی سی بی ترجمان کے مطابق ذاکر خان کو عالمی سطح پر کرکٹ کے امور دیکھنے کیلئے ڈائریکٹر انٹرنیشنل مقرر کیا گیا ہے، اس سے پہلے یہ اضافی چارج انتخاب عالم کے پاس تھا۔ترجمان کے مطابق انتخاب عالم کو ڈائریکٹر گیم ڈیولپمنٹ کے ساتھ ڈائریکٹر ڈومیسٹک کرکٹ آپریشنز کی ذمہ داری بھی سونپی گئی ہے۔
وفاقی حکومت نے ذکاءاشرف کی بحالی کو سپریم کورٹ میں چیلنج کردیا
(January 23, 2014)
اسلام آباد: وفاقی حکومت نے ذکاءاشرف کی بطور چیئرمین پی سی بی بحالی سپریم کورٹ میں چیلنج کردی ۔ذکاءاشرف کی بحالی کے خلاف درخواست عاصمہ جہانگیر کے توسط سے دائر کی گئی، درخواست میں موقف اختیار کیا گیا ہے کہ اسلام آباد ہائی کورٹ نے تاحال نوٹیفکیشن معطل نہیں کیا، نوٹیفکیشن کی رو سے ذکاءاشرف کو بحال نہیں کیا جاسکتا۔پی سی بی کے آئین کے تحت نجم سیٹھی کو عبوری چیئرمین مقرر کیا ، ان کی موجودگی میں ذکاءاشرف پی سی بی کا چارج بھی نہیں لے سکتے۔درخواست میں استدعا کی گئی ہے کہ ذکاءاشرف کی بحالی کے فیصلے کو کالعدم قرار دیا جائے۔درخواست میں کہا گیا ہے کہ اسلام آباد ہائیکورٹ کا فیصلہ حقائق کے برعکس ہے، اسے کالعدم قرار دیا جائے۔
فیفا ورلڈ کپ 2014 کی ٹرافی جنوبی امریکہ کے ملک پیروپہنچ گئی
(January 23, 2014)
لیما: فیفا ورلڈ کپ 2014 کی ٹرافی جنوبی امریکہ کے ملک پیروپہنچ گئی۔ ٹرافی کی تقریب رونمائی لیما کے پریذیڈنٹ ہاﺅس میں منعقد ہوئی جس میں پیروکے صدر اور ان کی اہلیہ نے بھی شرکت کی۔ ٹرافی کوعام نمائش کیلئے پیش کردیا گیا۔ ہزاروں شائقین کوٹرافی کو دیکھنے اور اس کے ساتھ تصاویر بنوانے کا موقع ملا۔ فیفا ورلڈ کپ دو ہزار چودہ کی میزبانی برازیل کرے گا۔
نیشنل ہاکی اسٹیڈیم لاہور میںبلیو ٹرف تباہی کا شکار ہوگئی
(January 23, 2014)
لاہور: نیشنل ہاکی اسٹیڈیم لاہور میں ایک سال پہلے لگائی جانے والی بلیو ٹرف تباہی کا شکار ہوگئی،جگہ جگہ سے پھولنے کے باعث کھلاڑیوں نے میچز تو دور کی بات ٹرف پر پریکٹس کرنا بھی چھوڑ دیا۔ لندن اولمپکس2012 کی تیاری کیلئے پنجاب حکومت نے نیشنل ہاکی اسٹیڈیم لاہور میں بلیو ٹرف لگانے کے احکامات دیئے تھے،،ٹرف کی تنصیب اولمپکس گزرنے کے بعد مکمل ہوئی تھی، بلیو ٹرف لگنے سے اسٹیڈیم کو چار چاند تو لگ گئے لیکن ٹرف کھیلنے کے کام نہ آئی کیونکہ ٹرف پر ببلز پڑنے کی وجہ سے کھلاڑی ہاکی کھیلنا ہی چھوڑ گئے۔ اسٹیڈیم میں بلیو ٹرف کی تنصیب کی ذمہ داری اسپورٹس بورڈ پنجاب کی تھی،بورڈ حکام کے مطابق ٹرف کی درست تنصیب نہ ہونے کی بنا پر ٹھیکیدار کو70 فیصد ادائیگی نہیں کی گئی۔ بلیو ٹرف کی تنصیب پر تین کروڑ تیس لاکھ روپے کی لاگت آئی تھی۔